Skyteøvingar Ørsta kulturhus vinter/vår 2018

På øvingane kan dei frammøtte skyta eit program og delta i den interne konkurransen Vintercupen 2017/2018, eller øvingsskyte mot dei elektroniske skivene utanom program. Vintercupen inneheld programma Standard, Hurtig og VM Fin. Dette året skal vi oppdatere ein eigen vintercup for program skotne med Spesialpistolar eller Spesialrevolvarar (to hender er påbode her). Skyttar som skyt med spesialpistol eller spesialrevolvar må sjå til at standplassleiaren veit det, slik at resultatet blir registrert på rett plass i resultatlista. Resultata i Vintercupen kjem fram dersom ein vel lenkja i høgre marg. For å fullføre vintercupen må ein skyttar ha skote kvart av programma minst fire gongar før ca utgangen av april 2018. Deltaking på stemne frå terminlista tel også i Vintercupen. Dei fire beste resultata i kvart program tel. 

På årsmøtet i 2019 er det planlagt å dele ut premie til alle som fullfører denne vintercupen. Det er vidare sett opp ein vandrepokal for vinnarar av vintercupen. Det blir også premiering for klubbmeisterskapen i feltskyting.

Dette er dei organiserte øvingane inne i oppvarma lokale denne vinteren/våren. Etter dette held vi fram ved bana i Sollidalen.

Alle vaktene er kontakta om denne lista på førehand der vaktene kunne seie kva dagar som passar. Vaktlista for første veke i januar var sett opp 31. desember, resten av januar den 5. januar. Mars var sett opp den 20. februar. Vaktliste for april blei satt opp 25 Mars. Takk til alle som sa seg villig til å være vakt denne våren. 

Dersom dagen likevel ikkje passar for den som er oppsett som vakt, har vakta sjølv ansvar for å finne ein erstattar. Vakta skal: hente nøklar, låse opp dørene til skytebana før skytetida tek til, normalt vere standplassleiar, låse igjen etterpå og levere tilbake nøklane. Atle, Kim, Jon Magnar og Are har nøklar.

Det ligg eit laminert ark med 2-sidig bruksanvisning for elektronikken ved standplass nr 1. Minner om at ein fortsatt kan nytte vendeskivene og at blinkane på dei elektroniske skivene skal klistrast etter bruk.

Vi har saman med Hovdebygda og Ørsta skyttarlag skaffa ei golvvaskemaskin til bruk på bana i Ørsta kulturhus. Avtalen er at vi kostar opp rundt skivene kvar mandag, så vil H&Ø bruke golvvaskemaskina til å gjere golvet reint kvar tirsdag. 

Standplassleiar har ansvar for at resultata vert registrerte på vintercupen. Til no har Are, Arnstein, Atle, Bjørnar, Erlend, Frode, Jon Erling, Jon Magnar, Jostein, Kim, Kim Ole, Morten, Sven-Tore og Tor tilgang til å oppdatere Vintercupen med nye resultat. Andre som ynskjer å bidra med dette kan ta kontakt med Are for opplæring og brukarnamn/passord. Oppdatering av vintercupen skjer på Internett og er intuitivt oppbygd. Alle som har prøvd til no, har klart det !